نفس المكان
فى زمان غير الزمان
كان ليا هنا انسان
كنت ليه و كان ليا
كنا هنا اتنين
واحد اتقسم قلبين
بقى هو فين و انا فين
خلاص مبقاش ينفع ليا
بفتكر لما اشوفه
شوقى ليا و خوفه
بعدته عنى ظروفه
و مبتهموش دموع عينيا
كنت بعينه بشوف الدنيا
بنسى معاه اى حاجة تانية
فاكر معاه كل ثانية
كانت عينه فيها فى عينيا
مر الزمن و فات الحبيب
خده منى بقسوة النصيب
و الى كان زمان طبيب
سبنى اداوى جراحى بايديا
كان بينا حب صبح ذكرى
هتفتركها يا قلبى بكره
حتى لو ماتت الفكرة
لسه حبه مأثر فيا
انكتب عليا اعيش وحيد
اشوف حبيبى من بعيد لبعيد
قوى قلبه و صبح حديد
وانا لسه الدنيا بتخون فيا
أضحك يا قلبى و أبتسم
ضحكة كدابة بتترسم
و اوعاك تانى تتظلم
من قلب تانى يجرحك
جايز تميل لقلوب كتير
جايز تحب قلوب كتير
بس متعرفش مين الاخير
و كام قلب قبله هيجرحك
دنيا غريبة و ناس غريبة
بيعيبوا دايما ع الطيبة
والى معاك دايما قريبة
بكره مع غيرك هتعيش
أهى ايام و بتعدى
ساعة تجرى .. ساعة تهدى
مبقاش خلاص عندى
الى ممكن عشانه اعيش
كوران سمعنى بكا غناه
لما حس بحزنى جواه
لقى جوايا ألف اه
و حس ان الحزن مالى الكون
ادينى عايش حر
لا شئ يفرح ولا شئ يسر
والايام قاسية و بتمر
و القلب عايش
بين الضلوع مسجون
و ادى اخرة الى يأمن للظنون
اهداء الى كل اعضاء المنتدى
و اهداء خاص جدا الى الانسانة الى بحبها جدا و الى اتمنى تقرأ كلامى دا