MaGaNiNO
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


طريقـــك الـى الجنـــون
 
الرئيسيةالبوابةأحدث الصورالتسجيلدخول

 

 حوار بين ولد وجدته يوم الامتحان

اذهب الى الأسفل 
كاتب الموضوعرسالة
baskota90
مشرف المنتدى العام
مشرف المنتدى العام
baskota90


عدد الرسائل : 182
العمر : 33
تاريخ التسجيل : 10/02/2008

حوار بين ولد وجدته يوم الامتحان Empty
مُساهمةموضوع: حوار بين ولد وجدته يوم الامتحان   حوار بين ولد وجدته يوم الامتحان I_icon_minitimeالجمعة أغسطس 08, 2008 10:24 pm

حوار بين ولد وجدته يوم الامتحان

--------------------------------------------------------------------------------

يارب.. يارب تنجح يا نون يابن ابنى وأشوفك دكتور أد الدنيا



-ياستى بس أنا فى تجارة



-وماله يابنى هو يكتر على ربنا...... ده ربنا قادر على كل شئ



-ياستى ونعم بالله بس اللى بيطلع دكتور لازم يكون فى كلية الطب مش التجارة



-ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا



-ياستى التجارة اللى فى الوكالة حاجة واللى فى الكلية حاجة تانية



-ع العموم شد حيلك أنت وانا أخلى جدك يخدك معاه الوكاله عشان تتدردح وتتودك فى السوق



-جدى إيه اللى هايخدنى معاه .....ده جدى مات من زمان ياستى



-يامصيبتى عبد الواحد مات..ياحبيبى يا أخويا..مكنش يومك ياسبعى



-ياستى ده ميت من تلتين سنة



-تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولا كيس جوافة



-ياستى حرااام عليكى عايز أذاكر بقى



-يوه..وأنا ماسكاك ياوله..ذاكر ...ذاكر عشان ربنا يكرمك وتنجح وتاخد الدبلون



-ياستى دبلون إيه..أسمه البكالوريوس



-أنت حتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون



-خلاص دبلوم دبلوم ياستى ..سيبينى بقى عشان أذاكر



-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دى إيه ياواد.. أدب- وأخلاق..وعلام كمان



-ياستى عبير دى معاها أعدادية



-وماله يابنى ...الراجل مايعبهوش إلا جيبه



-راجل ...راجل مين ياستى...عبير دى بنت



-عبير ...عبير مين ياوله..أنته بتعرف بنات من ورانا



-لا إله إلا الله....أبوس رجلك ياستى أرحمينى بقه



-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى



-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات



-صحيح ياوله ..أنته عندك حق أنا مليش إخوات بنات..أصلى أنا أمى ماكنتش بتخلف صبيان



-حراااااااااااااااااااااااااااااااااام ............ستى ماتطلعى البلكونة شويه ...ده الهوا حلو بره


لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى



-خلاص روحى المطبخ ...أهو زمان أمى خلصت الرز



-رز...رزإيه يابنى....هوأنا ليه سنان للرز...أنا هطلع البلكونه أحسن



-طب أبقى خلى بالك م الهوى ياستى


-هوى لما يلطشك



الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف بعد خروجي من القاعة اكتشفت اني ناسي اسمي


ياترى أنا كان إسمى إيه؟؟ ياترى كان إسمى إيه؟
الرجوع الى أعلى الصفحة اذهب الى الأسفل
 
حوار بين ولد وجدته يوم الامتحان
الرجوع الى أعلى الصفحة 
صفحة 1 من اصل 1
 مواضيع مماثلة
-
» كيف تتخلص من خوف وقلق الامتحان

صلاحيات هذا المنتدى:لاتستطيع الرد على المواضيع في هذا المنتدى
MaGaNiNO :: المنتديـــات العـــامـــة :: منتدى بسكوتة الفكاهى نكت x نكت-
انتقل الى: